Link açıqlığı

Saatnıñ esas haberi

Poloniya sabıq prezidentiniñ fikirince, Putinge aqaycasına cevap bermeli


Poloniyanıñ sabıq prezidenti, Nobel mukâfatınıñ laureatı Leh Valensanıñ fikirince, Rusiye prezidenti Vladimir Putinni halqara añlaşmalarnı yerine ketirmege mecbur etecek dünya adalet Komissiyasını meydanğa ketirmeli.

Bunı o, Rzeczpospolita gazetasına bildirdi.

«Dünya Putinge aqaycasına cevap berecegini bekleyim. Şimdi er kes bir de bir tertipni qullana», – Rusiyeniñ Qırım işğalini izaatlap, ayttı Valensa.

O, zemaneviy bir dünya «Adaletini» qurmağa» tevsiye ete. «Yavaştan er bir memleketten bir şey soramaq kerek: «Sizler, samimiyetnen, Ukraina içün ne yapa bilesiñiz?». Böyle etip bizler aqiqiy ortaqlarımıznı ve küreş usullarını bilecekmiz», – dedi Valensa.

Sabıq prezident dünya iç bir vaqıt Ukraina bölünmesini tanımamaq kerek, dep qayd etti. «Dünya Putinni XXI asırğa lâyıq bir şekilde areket etmege mecbur etecek adaletli küç tapmalı», – dep ayttı Poloniya sabıq prezidenti.

Onıñ fikirince, Rusiyege qarşı sanktsiyalar yeterli degil. «Rusiye gazı ve malı meselesini baqmalı. Şimdi bizler Rusiyeni iqtisadiy ayattan çıqara bilemizmi-yoqmı añlamaq kerek. Dünya memleketlerinden bir de bir vazife alacaq ve bu memleketlerden er biri tarafından bu vazifelerni yerine ketirelüvini nezaret etecek Adalet Komissiyasını meydanğa ketirmeli», – dedi Valensa.

Onıñ fikirince, dünya Kiyevdeki Maydanda olğan qurbanlar ve Ukrainanıñ bir qısımından marum qaluvını Putinge afu etmemek kerek, çünki «neticesi er kes içün fena omlası mümkün».
XS
SM
MD
LG