Link açıqlığı

Merkel Putinge yañı cezalar aqqında bildire


Almaniya kantsleri Angela Merkel dey ki, Ukraina ile zıddiyet kenişlese, olar Rusiyege qarşı cezalarnı quvetleştirmege azırlar. Bunı o, «Hristian-demokratik birliginiñ» Berlindeki toplaşuvında ayttı.

«İleride Ukraina bir olmasını bozacaq bir de bir adımlar olsa, iqtisadiy cezalar kirsetmege mecbur olacaqmız. Bir kimseniñ şübesi bile olmasın. Fikirlerimiz farqlı olsa da (Ukrainağa nisbeten Rusiye areketlerine munasebetleri – muarrir), bizni taqdir iradesi birleştire, böyle bir qararnı beraber qabul etecekmiz», – dedi Almaniya kantsleri.

Mart ayında Avropa birligi cezalarınıñ ekinci basamağı çerçivesinde 33 Rusiye vatandaşı ve özüni akimiyet dep sayğan «Qırım reberlerine» AB aza-memleketlerine kirüv yasaq etildi, em de olarnıñ esapları qapatıldı.
XS
SM
MD
LG