Link açıqlığı

Saatnıñ esas haberi

Ukraina bankları Qırımda çalışmaycaq


Aprelniñ 15-den başlap «Rayffayzen Bank Aval» Qırımda öz işini toqtata.

Bunı bank saytında yerleştirilgen beyanat tasdıqlay.

Bank muhtariyetniñ Rusiye Federatsiyasına «qoşulmasını» köz ögüne alıp, yarımadada hızmet etüv ve ilerideki faaliyet içün uquq ceetten bir de bir temel olmağanını qayd ete. Matbuat hızmeti bildire ki, «bank Rayffayzen halqara bank Gruppasınıñ bölügi olaraq Qırım müşterileri ögünde borclarını öz vaqıtında ve tolusınen yerine ketirecek».

«Rayffayzen Bank Aval» tarafından berilgen kartlar soñuna qadar çalışacaq», – dep bildirile.

«Rayffayzen Bank Aval» aktsionerler cemiyetinden ödünç alğanlar tizilgen añlaşmalarğa köre borclarını ödemeli», – qayd eteler bankta.

Rusiye prezidenti Vladimir Putin «Qırım Cumhuriyeti ve Aqyar federal şeerinde keçici müddet devamında maliye sisteması faaliyetiniñ hususiyetleri aqqında» federal qanunnı imzaladı. Vesiqağa binaen, banklar Rusiye Bankından litsenziya almayıp, yılnıñ soñuna qadar çalışa bileler.
XS
SM
MD
LG