Link açıqlığı

«Groznıy Avia» aviakompaniyası Qırımnı Rusiye ve tış memleketlernen bağlamaq içün doğru yolcu aviaseferlerni açmağa planlaştıra. Bunı tanılmağan Qırım Cumhuriyetiniñ kurort ve turizm «naziri» Yelena Yürçenko ile körüşüvi devamında aviakompaniyanıñ müdiri Sergey Petrov bildirdi, dep haber ete «nazirlikniñ» matbuat-hızmeti.

Onıñ aytqanına köre, «Groznıy Avia» aviakompaniyası Qırımğa Rusiye Federatsiyasınıñ nevbetteki şeerlerden seferlerni açmağa planlaştıra: Kazan, Voronej, Nijnekamsk, Volgograd, Penza, Groznıy, Mineralnıye Vodı, Stavropol, Rostov na Donu. Bunıñnen beraber aviakompaniya Aqmescit – Yerevan, Aqmescit – İstanbul, Aqmescit – Antaliya, Aqmescit – Trabzon ve Aqmescit – Samsun yönelişler boyunca seferlerni açacaqtır.

«Groznıy Avia» aviakompaniyası 2007 senesi meydanğa keldi. Regional aviakompaniya Groznıy – Moskva, Nalçik – Moskva ve Groznıy – Kiyev yönelişler boyunca seferlerni alıp bara.

Evelleri «Türk hava yolları» Aqmescitke seferlerni toqtatmaq qararnı ilân etti.

Mart 31 künü Avropa kontroli Qırımğa, şu cümlede Aqmescit ve Aqyarğa seferlerni yasaq etti. Qırım rayonında olğan uçuşlar vaqtında ukrain, bulğar, roman, türk dispetçilerine bazanmağa tevsiye etti.

Avropa kontroli Qırımdaki bazı ava boşluqlarındaki idareni Dnepropetrovsk ve Odessa idare merkezlerine bergen edi.
XS
SM
MD
LG