Link açıqlığı

Qırım separatistleri Devlet Dumasınıñ qabul etüv odalarını açmaq içün kelgen Narışkinni qarşıladılar


Bugün tanılmağan Qırım Cumhuriyetine Rusiye Federatsiyasınıñ Devlet Dumasından eyyet keldi. Eyyetniñ başında Sergey Narışkin turmaqta.

Qanunsız Qırım parlamentiniñ matbuat-hızmeti bildirgenine köre, «Aqmescit» avalimanında eyyetni tanılmağan Qırım Cumhuriyetiniñ Yuqarı Şurasınıñ «reisi» Vladimir Konstantinov, öz başına tayinlengen Nazir Şurasınıñ başı Sergey Aksönov, RF Federal Toplaşuvınıñ Federatsiya Şurasınıñ azası Sergey Tsekov ve Aqmescitte Rusiye Federatsiyasınıñ baş konsulı Vâçeslav Svetliçnıy qarşılap aldılar.

Matbuat-hızmetiniñ bergen malümatına köre, ziyaret devamında Narışkin Aqyarğa baracaq, Aqyar «şeer başı» Aleksey Çalıy ile, «Aqyar Qanun çıqarıcı Toplaşuvınıñ reisi» Yuriy Doynikovnen ve qanunsız Qırım Cumhuriyetiniñ Devlet Şurasınıñ azaları ile körüşecek ola.

Bunıñnen beraber Aqyar ve Aqmescitte Rusiye Federatsiyasınıñ Devlet Dumasınıñ qabul etüv odalarınıñ açılması planlaştırıla.
XS
SM
MD
LG