Link açıqlığı

Saatnıñ esas haberi

Ukrainadaki buhran Brüssel ve Vaşingtonnı yaqınlaştırdı


Avropa birliginde AQŞ yañı elçisiniñ fikirince, Ukrainada yüz bergen buhran Vaşington ve Brüssel arasında munasebetlerni pekitti.

Bunı Entoni Lutstsatto Gardner cuma künü, aprelniñ 4-de, seslendirdi, dep bildire Azatlıq Radiosı.

Onıñ fikirince, Rusiyeniñ Qırım işğali NATO olmasınıñ müimligini «tasdıqladı». O, Avropa Birliginiñ Ukrainadaki buhranğa munasebetine yüksek qıymet kese.

Avropa Birligi Rusiye gazına muhtac olsa da, rusiyelilerge qarşı cezalar belgiledi ve Ukraina ile assotsiatsiya añlaşmasını imzaladı. Gardner dey ki, AB 20 yıl evelsi yapqan işlerine baqqanda, daa da semereli çalışıp başladı. Onıñ aytqanına köre, o vaqıt blok bir neticege kelip olamağan edi.

Elçi Ukrainadaki vaziyet AQŞ ve AB arasında serbest ticaret aqqında muzakerelerni tezleştirgenini ayttı.
XS
SM
MD
LG