Link açıqlığı

Rusiye Devlet Duması rusça qonuşqan adamlarğa Rusiye vatandaşlığını qabul etüv esnasını qolaylaştırdı.

Bunıñnen bağlı vesiqağa Rusiye deputatlarınıñ çoqusı qol tuttı, dep bildire Azatlıq Radiosı.

Rusiye ve Sovetler Birliginde yaşağan adamlarnıñ rusça qonuşqan soy-sopları Rusiye vatandaşlığını qolay-qolay ala bileler.

Vatandaşlıq aqqını qazanmaq içün Rusiyege köçmek ve çetel devletniñ vatandaşlığından vazgeçmek kerek.

Yuqarıda qayd etilgen imtiyazları olğan adamlar vatanlaşlıqnı üç ay içinde qolaylaştırılğan shema boyunca qabul ete bileler.

Al-azırda Rusiye vatandaşlığını almaq içün beş yıl devamında Rusiyede yaşamaq kerek.
XS
SM
MD
LG