Link açıqlığı

Qırım Cumhuriyetiniñ Devlet Şurası olaraq adlanğan qanunsız Qırım parlamenti «spikeriniñ birinci muavini» Grigoriy İoffe yarımada «istiqrar yaşayışqa keri qaytqanını» bildirdi.

Bunı parlamentniñ matbuat hızmeti bildire.

İoffeniñ bu sözleri qırımtatar halqınıñ lideri Mustafa Cemilevniñ keleyatqan etnik temizlevler aqqında laflarına cevap oldı.

«Yarımadada azırlanğan etnik temizlevler aqqında beyanat provokatsiyadır. Qırım adım-adım medeniy yaşayışqa qayta. Niayet, mında nizam, istiqrar, müsbet neticeler peyda olıp başladı», – dedi o.

Bu arada «spiker birinci muavininiñ» fikirince, Cemilevniñ aytqanları onıñ semetdeşleri – qırımtatarlarnıñ maddiy vaziyetine menfiy tesir etecek.

«Qırımtatarlar kurort mevsimine azırlana. Emek bazarı böyle bölündi ki, olar aynı bu müddet içinde kâr qazanalar. Yamanlıq etkenler böyle bir vaziyette onı daa beter eteler. Tekrarlayım, olarnıñ niyetleri – yamanlıqtır. Bunı añlamaq ve doğru qıymet kesmek kerek», – dedi İoffe.
XS
SM
MD
LG