McDonald’s Ukraine şirketi Aqmescit, Aqyar ve Yaltada öz restoranlarınıñ işlerini toqtattı.
Bu aqta malümat şirketiniñ resmiy saytında bildirile.
Beyanatta qayd etile ki, işbu bölükler «istisal sebeplerinden» qapatıla.
«Şirketke bağlı olmağan istisal sebeplerinden Aqyar, Aqmescit ve Yaltada müessiselerniñ faaliyeti vaqtınca toqtatılacaq. Umüt etemiz ki, imkânımız peyda olğanda, olarnıñ faaliyetini ğayrıdan tiklep olurmız», – qayd ete McDonald’s Ukraine.
McDonald’s restoranlarında çalışqan bütün hızmetçilerge Ukrainanıñ diger bölüklerine keçmek içün imkâniyet berile. Olarnıñ vazifeleri, aylıqları saqlanacaq, hızmetçileriniñ, qoranta azalarınıñ yol parasını ve 3 aylıq mesken teminlevini şirket ödeycektir.
«Eger de hızmetçi özü içün Ukrainanıñ diger şeerine ketmege imkân körmese, demek Ukrainanıñ qanunlarına köre, şirket iş munasebetlerini bozıp, hızmetçilerniñ menfaatını saqlamağa ve tazminatnıñ ödelüvini temin etmek kerek», – qayd etile beyanatta.
Bu aqta malümat şirketiniñ resmiy saytında bildirile.
Beyanatta qayd etile ki, işbu bölükler «istisal sebeplerinden» qapatıla.
«Şirketke bağlı olmağan istisal sebeplerinden Aqyar, Aqmescit ve Yaltada müessiselerniñ faaliyeti vaqtınca toqtatılacaq. Umüt etemiz ki, imkânımız peyda olğanda, olarnıñ faaliyetini ğayrıdan tiklep olurmız», – qayd ete McDonald’s Ukraine.
McDonald’s restoranlarında çalışqan bütün hızmetçilerge Ukrainanıñ diger bölüklerine keçmek içün imkâniyet berile. Olarnıñ vazifeleri, aylıqları saqlanacaq, hızmetçileriniñ, qoranta azalarınıñ yol parasını ve 3 aylıq mesken teminlevini şirket ödeycektir.
«Eger de hızmetçi özü içün Ukrainanıñ diger şeerine ketmege imkân körmese, demek Ukrainanıñ qanunlarına köre, şirket iş munasebetlerini bozıp, hızmetçilerniñ menfaatını saqlamağa ve tazminatnıñ ödelüvini temin etmek kerek», – qayd etile beyanatta.
