Link açıqlığı

Qırım mahkemecilerine qoşma maliye yardımı kerek


492 mahkemeciden 46-sı yarımadadan Ukrainağa ketmek içün yardım soradı.

Bunı mahkemecilerniñ yuqarı ihtisaslı komissiya reisi İgor Samsin bildirdi, dep haber ete Azatlıq Radiosı.

Onıñ aytqanına köre, mahkemecelerini boş yerler olğan mahkemelerge avuştıracaq olalar eken.

İş yerlerini coyğan mütehassıslar esasen qorantaları yaşağan şeerlerge köçip ketmege isteyler.

Qırımnıñ işğalinden soñ, maliye meseleleri peyda oldı, dey Samsin. Çünki böyle areketler içün para ayırılmağan edi. Şunıñ içün yuqarı ihtisaslı komissiyası Ukrainada mahkemeceleriniñ sayısını arttırmağa ve olarğa qoşma paralarnı ayırmağa rica ete.

«Bundan da ğayrı, esas sual – maliye teminlevimizdir, – dep qayd etti AqyarApellâtsiya mahkemesiniñ mahkemecisi Mıkola Yünenko. – Biz ise qorantalarımıznı baqmaq kerekmiz. Aylıqlarımıznı ise endi eki ay devamında almaymız, em de Aqyarda almaycaqmız».
XS
SM
MD
LG