Qırımnıñ aşayt havfsızlığını boza bilecek qıt mahsulatlarnı yarımadağa Krasnodar diyarından ketirmege mümkün olur.
Bunı öz başına tayinlengen Qırım akimiyetiniñ «agrar siyasetiniñ naziri» Nikolay Polüşkin bildirdi, dep haber ete yañı «qırım akimiyetiniñ» ruporı olğan «Krıminform».
Polüşkin qayd etti ki, yarımadanıñ aşayt çarşısına menfiy taraftan tesir ete bilecek «qıt mahsulatları» arasında şeker, ösümlik yağı, süt ve süt mahsulatı bardır.
«Bizge şekerniñ 100% Ukrainadan ketirile edi. Ösümlik yağına kelgende, künaylan Qırımda östürilse bile, mında onı qayta işlemek içün imkân yoqtır», – dep añlattı o.
«Künaylannıñ 70-100 biñ gektarı bar, eger de onı mında qayta işletsek, bizge yeteri olur. Bizge 35-40 biñ tonna ösümlik yağı kerektir», – qayd etti nazir.
Qırım içün daa bir qıt mahsulatı – süt ve süt mahsulatıdır.
«Bizde bu mahsulatnıñ miqdarı – 300 tonna etrafındadır. Bizge ise 820 tonna kerek. Bu qıtlıq qıtaiy Ukraina esabından çezile edi», – dedi nazir.
Aynı şu zamanda o, şu mahsulatlarnıñ «Krasnodar diyarında artqaç olğanını ve andan onı aman ketirmege azır olğanlarını» da aytıp keçti.
Bugün «Ukrtsukor» Qırımğa şekerniñ ketirüvini toqtattı. Qırımdaki mağazlarında şeker daa bardır, lâkin şu mahsulatnı satqan kompaniyalar angi uquqiy alanda çalışmağa devam eteceklerini bilmeyler.
Bunı öz başına tayinlengen Qırım akimiyetiniñ «agrar siyasetiniñ naziri» Nikolay Polüşkin bildirdi, dep haber ete yañı «qırım akimiyetiniñ» ruporı olğan «Krıminform».
Polüşkin qayd etti ki, yarımadanıñ aşayt çarşısına menfiy taraftan tesir ete bilecek «qıt mahsulatları» arasında şeker, ösümlik yağı, süt ve süt mahsulatı bardır.
«Bizge şekerniñ 100% Ukrainadan ketirile edi. Ösümlik yağına kelgende, künaylan Qırımda östürilse bile, mında onı qayta işlemek içün imkân yoqtır», – dep añlattı o.
«Künaylannıñ 70-100 biñ gektarı bar, eger de onı mında qayta işletsek, bizge yeteri olur. Bizge 35-40 biñ tonna ösümlik yağı kerektir», – qayd etti nazir.
Qırım içün daa bir qıt mahsulatı – süt ve süt mahsulatıdır.
«Bizde bu mahsulatnıñ miqdarı – 300 tonna etrafındadır. Bizge ise 820 tonna kerek. Bu qıtlıq qıtaiy Ukraina esabından çezile edi», – dedi nazir.
Aynı şu zamanda o, şu mahsulatlarnıñ «Krasnodar diyarında artqaç olğanını ve andan onı aman ketirmege azır olğanlarını» da aytıp keçti.
Bugün «Ukrtsukor» Qırımğa şekerniñ ketirüvini toqtattı. Qırımdaki mağazlarında şeker daa bardır, lâkin şu mahsulatnı satqan kompaniyalar angi uquqiy alanda çalışmağa devam eteceklerini bilmeyler.
