Link açıqlığı

Türkiyede «Twitter» kene açılacaq – Anayasa mahkemesiniñ qararı


Türkiye Anayasa mahkemesi yerli ükümetniñ «Twitterni» blok etmek qararını vatandaşlar aqlarınıñ bozuluvı olaraq tanıdı.

Azatlıq Radiosınıñ rus hızmeti bildire ki, mahkeme bu içtimaiy ağnıñ qullanıcılarına saifelerine kirmege ruhset bermege avale etti.

«Twitter» Türkiyede keçken ay blok etildi. Onı yerli saylavlar arfesinde yasaq ettiler.

Recep Tayip Erdoğannıñ ükümetini internette peyda olğan baş nazir etrafındaki adamlar ve memurlarnıñ qabarcılıqqa alâqasını tasdıqlağan linkler açuvlandırdı.

Bundan ğayrı akimiyet tarafından YouTube blok etildi. Mında havfsızlıq meseleleri boyunca nazirlerniñ gizli qonuşması peyda oldı.

Saytlarnı blok etmek qararı em Turkiyede, em de Turkiyeden tış, şu cümleden halqara insan aqları teşkilâtları tarafından, tenqitke oğratıldı. Turkiye prezidenti Abdulla Gül de ükümet qararını begenmeyip, fikirini «Twitterde» ifadeledi.
XS
SM
MD
LG