Link açıqlığı

Qırım «spikeri» ve «baş naziri» «Rusiye oğrunda» halq birleşmesinde yolbaşçılıq etecekler


Qanunsız Qırım parlamentiniñ spikeri Vladimir Konstantinov «Rusiye oğrunda» Halq birleşmesi» bütünrusiye cemaat areketiniñ yerli ştabında reislerinden biri oldı.

Böyle bir qarar aprelniñ 2-de Aqmescitte olıp keçken tesis konferentsiyada tasdıqlandı, bildire Konstantinovnıñ matbuat kâtibi Oksana Korniyçuk.

Konferentsiya iştirakçileri Qırım Cumhuriyetinde «Rusiye oğrunda» Halq birleşmesi» bütünrusiye cemaat areketiniñ regional bölügini meydanğa ketirip, nizamnameni taqdirlediler, regional ştabını ve birleşmeniñ regional teftiş komissiyasını sayladılar.

Halq birleşmesi regional ştabınıñ reisleri saflarına Qırımnıñ öz başına tayinlengen «baş naziri» Sergey Aksönov ve olimpik çempionı, yunan-roma küreşi boyunca Qırım federatsiyasınıñ prezident muavini Rustem Kazakov saylandı.

«Artımızda ulu adam tura – Vladimir Vladimiroviç Putin (Rusiye Federatsiyasınıñ prezidenti) – ulu memleketniñ ulu lideri. Onıñnen beraber bir taqımda olmaq menim içün bir şereftir. Bugün bizler bu komandanıñ bir qısmı oldıq ve qırımlılar özüni lâyıq kösterecekler», – dep bildirdi Vladimir Konstantinov.
XS
SM
MD
LG