Link açıqlığı

Ukraina yalı mudafaasınıñ askerleri Qırımnı terk ettiler


Ant sözlerine sadıq qalğan Ukraina yalı mudafaası 36-ncı brigadasınıñ ukrain arbiy adamları çarşenbe künü, aprelniñ 2-de, Anğaradaki arbiy bölüginden çıqıp kettiler.

Azatlıq Radiosınıñ malümatına köre, yerli faaller sayesinde dört avtobus ve bir yük KamAZı Odessağa yol aldı.

Ukraina askerleriniñ sağlıqlaşuv merasimi olmadı. Lâkin er kesniñ keyfi yerinde edi, qadınlar ise tuvğan Qırımnı qaldırıp ketmege istemeyip, ağladılar.

Ukraina yalı mudafaasınıñ 36-ncı brigada mayorı İgor Pidoprigoranıñ aytqanına köre, Qırımnı terk etken ukrain arbiy adamlarınıñ sayısı tahminen 150 kişini teşkil etti. Qalğanları arbiy bölükte qalıp, Rusiye arbiy adamlarınen beraber hızmet etecekler.

Ukraina flotu yalı ordularınıñ 36-ncı brigadası Ukraina Silâlı quvetleri terkibinde qala.
XS
SM
MD
LG