Link açıqlığı

Halq deputatı Serğiy Sobolev, «İşğal etilgen territoriyalar aqqında» qanun leyhasınıñ müellifi emin ki, Qırımda millet mensüpligine köre adamlarnı yoq etip başlaycaqlar.

Bunı o, «Glavkom» agentligine bildirdi.

«Öyle bir şeyler bar ki, olarnı öz adlarınen adlandırmaq kerek. Başta adamlarnı birer-birer yoq ete ediler. Şimdi ise kütleviy etnik temizlev başlana», – dedi Sobolev.

Nazirler Şurasınıñ naziri Ostap Semeraknıñ aytqanına köre, al-azırda Qırımda yaşağan ukrainlerni imaye etmek usulları bir sıra halqara vesiqalarda qayd etilgen – insan aq-uquqları Konventsiyasından başlap OSCE nizamnamesine qadar. Lâkin olar qorçalay bilecek bir şey olacaqlarmı – belli degil.

«Onlarnen vesiqalarnı aytmaq mümkün. Lâkin istilâcınıñ areketlerini qanun ceetten nasıl etip baqmaq mümkün?», – qayd etti nazir.

Sobolev tanılmağan Qırım Cumhuriyetiniñ Devlet Şurası tarafından Qırımğa kelmesi yasaq etilgen şahıslar cedveline kirdi. Bu cedvelde 300 ziyade insan bar.
XS
SM
MD
LG