Bergi bazasını tüzetüv işiniñ murekkep olğanını köz ögüne alıp, 2014 senesi yañı bergiler Ukraina qanunlarına köre esaplanacaq. Qırımnıñ Rusiye Bergi kodeksine tolusınen keçüvi 2015 senesi yanvarniñ 1-ne belgilendi, dep yaza «Kommersant».
Martnıñ 21-ne ait anayasa qanunına köre, Rusiye Federatsiyasınıñ Bergi ve Bücet kodeksleri eki yañı regionda 2015 senesi çalışıp başlaycaq. 2014 senesi keçici olaraq ilân etilgen – qalğan ayları bergi Qırım ve Aqyar qaide aktına köre alınacaq ve cumhuriyet ve şeer bücetlerine berilecek.
Neşirniñ malümatına köre, Rusiye maliye nazirligi ükümetke Qırım ve Aqyarnıñ Rusiye Federatsiyası bergi sistemasına integratsiyası boyunca «yol haritası» leyhasını yolladı.
Böyle etip, 2014 senesi baarde yañı bölgelerde NDFL Rusiye miqdarı, NDS (Ukrainadakiden aşağı) ve kelir bergisini (Ukrainadakiden yuqarı) kirsetmege teklif etile. 20% teşkil etken NDS Ukraina miqdarını Rusiyeniñ 18% ve 10% (soñkisi imtiyazlı mallar içün qullanıla) 2014 senesi mayısnıñ 1-den başlap deñiştire bileler.
Planğa esaslanıp, 2014 senesi martnıñ 18-ne qadar NDS ödevi içün ariza yazğan ve Ukraina bücetinden para almağan Qırım şirketleri Rusiye devlet hazinesinden para almaycaqlar.
Rusiye Maliye nazirligi tarafından azırlanılğan «yol haritasına» binaen, bu sene iyün ayınıñ soñuna qadar Maliye nazirligi, İqtisadiyat inkişafı nazirligi, Adalet nazirligi ve Federal bergi hızmeti 2014 senesi keçici devirde bergi tölemesi içün kerek olğan federal qanunnı azırlamaq kerekler. Qırım ve Aqyar öz qaide aktlarını taqdim etmeli.
Martnıñ 21-ne ait anayasa qanunına köre, Rusiye Federatsiyasınıñ Bergi ve Bücet kodeksleri eki yañı regionda 2015 senesi çalışıp başlaycaq. 2014 senesi keçici olaraq ilân etilgen – qalğan ayları bergi Qırım ve Aqyar qaide aktına köre alınacaq ve cumhuriyet ve şeer bücetlerine berilecek.
Neşirniñ malümatına köre, Rusiye maliye nazirligi ükümetke Qırım ve Aqyarnıñ Rusiye Federatsiyası bergi sistemasına integratsiyası boyunca «yol haritası» leyhasını yolladı.
Böyle etip, 2014 senesi baarde yañı bölgelerde NDFL Rusiye miqdarı, NDS (Ukrainadakiden aşağı) ve kelir bergisini (Ukrainadakiden yuqarı) kirsetmege teklif etile. 20% teşkil etken NDS Ukraina miqdarını Rusiyeniñ 18% ve 10% (soñkisi imtiyazlı mallar içün qullanıla) 2014 senesi mayısnıñ 1-den başlap deñiştire bileler.
Planğa esaslanıp, 2014 senesi martnıñ 18-ne qadar NDS ödevi içün ariza yazğan ve Ukraina bücetinden para almağan Qırım şirketleri Rusiye devlet hazinesinden para almaycaqlar.
Rusiye Maliye nazirligi tarafından azırlanılğan «yol haritasına» binaen, bu sene iyün ayınıñ soñuna qadar Maliye nazirligi, İqtisadiyat inkişafı nazirligi, Adalet nazirligi ve Federal bergi hızmeti 2014 senesi keçici devirde bergi tölemesi içün kerek olğan federal qanunnı azırlamaq kerekler. Qırım ve Aqyar öz qaide aktlarını taqdim etmeli.
