Link açıqlığı

Saatnıñ esas haberi

Rusiye naziri Qırım sakinlerini «sovet pritsiplerinden» qurtarmaq isteу


Qırımda yılnıñ soñuna qadar sağlıq saqlav tertibatını Rusiye standartlarına köre uyğunlaştırmaq kerek.

Bunı Rusiye Federtsiyasınıñ sağlıq saqlav naziri Veronika Skvortsova aprel 1 künü Qırımda iş ziyareti çerçivesinde bildirdi, dep haber ete Aqmescit şeer şurasınıñ matbuat-merkezi.

Ministr qayd etti ki, Qırımnıñ sağlıq saqlav ağı zemaneviyleştirmek kerek. Rusiye Federatsiуаsınıñ diger regionlarında qullanılğan tehnologiyalarnıñ kirsetilmesi lâzimdir.

«Şimdilik Qırım Cumhuriyetiniñ sağlıq saqlav tertibatı sovet bücet printsiplerine köre yaşay, ve, elbette ki, bizim vazifemiz – kelecek 9 ay devamında tertibatnı adaptirlemek ve evelleri Qırımda olmağan sigorta tibbiyetiniñ mehanizmlerini meydanğa ketirmektir. 2015 senesi yanvar ayından başlap, Qırım tertibatı Rusiye Federatsiyasınıñ sağlıq saqlav umumiy tertibatına kirmeli», – dedi Skvortsova.
XS
SM
MD
LG