Link açıqlığı

Saatnıñ esas haberi

NATO Baş kâtibi Ukrainağa strategik obyektleriniñ qorçalavında yardımcı olmağa azırdır


NATO Ukrainağa çeşit arbiy telükeni aks etmek içün arbiy islâatlarnıñ keçirilmesinde yardımcı olmağa ve Ukraina toprağında strategik obyektleriniñ qorçalavı boyunca tevsiеlereni bermege azırdır.

Bunı aprel 1 künü NATO Baş kâtibi Anders Fog Rasmussen Şimaliy atlantik şurasınıñ ve Ukraina – NATO Komissiya toplaşuvından soñ keçirilgen matbuat-konferentsiyada bildirdi, dep haber ete Azatlıq Radiosı.

«Biz Ukrainanıñ arbiy islâatında öz yardımımıznı arttırıp, Ukraina Silâlı quvetleriniñ daa da ihtisaslı ve semereli olğanlarını temin etmege isteymiz. Bunıñnen beraber Ukraina mobil bölükleriniñ yerleştirüvi içün imkânlar da bardır», – dedi Rasmussen.

Ukraina çetel işler naziriniñ vazifelereini eda etken Andriy Denitsa Kiyev NATOdan radarlarnıñ ve Ukrain sıñırlarını abadanlaştırmaq içün kerek olğan diger aletleriniñ ketirüvi meselesinde yardım sorağanını qayd ete.
XS
SM
MD
LG