Link açıqlığı

Qırımda Rusiye rublelerniñ kirsetilüvinen qolay qazanç içün sebepler peyda oldı.

Qırım.Aqiqatqa belli olğanı kibi, Qırım sakinleri Rusiye rublelerni grivnalarğa bozıp, aqça qazanalar.

Böyle imkân «Qırım akimiyeti» tarafından belgilengen kursından kelip çıqtı.

«Al-azırda Qırımda rubeleler birleminde ödenilgen maaşlar aqqında – mesele. Maaşıñız – 1000 grivna. Şimdiki akimiyetiniñ belgilegen kursına köre, 1 grivna = 3,8 ruble, sizge 3800 rubleni bereler. Para deñiştirüv noqtasında biñ rusiye rublesini 300 grivnağa alalar. Eger de insan bütün paranı deñiştirse, qollarında 1140 grivna olacaq. Kelir 14%», – dep añlata içtimaiy ağlarda mehanizmni jurnalist Pavlo Kazarın.

Qırım.Aqiqat bergen malümatına köre, böyle imkâniyetni Qırım sakinleriniñ çoqusı qullandı, şu surada bazı memurlar da bardır.
XS
SM
MD
LG