Rusiye ordusında hızmetini devam etmege istegen Keriç arbiy hızmetçilerine endi Rusiye Federatsiyasınıñ grajdanlığını berdiler.
Azatlıq Radiosı bergen malümatına köre, bugün Rusiye grajdanlıqnı tasdıqlağan vesiqalarnı Keriç deñiz qorçalav otrâdınıñ arbiyleri elde ettiler. Yaqında böyle pasportlarnı A-0669 ve A-0883 qısımlarınıñ arbiylerine berilgen edi.
Keriç deñiz piyade arbiy qısımınıñ komandanı muavini Oleksiy Nikiforov aytqanına köre, Rusiye ordusına keçmege niyetini bildirgen Ukrain arbiyleri pasportlarnen Rusiye formalarnı da alğanlar, lâkin muqaveleni daa imzalamadılar.
Aynı şu zamanda Ukrainada hızmetini Keriçniñ 58 deñiz piyade askeri devam etmege qarar aldı. Silâlı Quvetleriniñ komandanlığı arbiylerge qısımnı saqlamağa vade etkendir.
Al-azırda piyade askerleri qısımğa kelip,yazılalar ve evlerine qaytalar.
