Rusiye sağlıq saqlav naziri Veronika Skvortsova Qırım ekimlerine ayılıqlarını 43 biñ rusiye rublesi miqdarında bermege vade ete.
Bunı o aprel 1 kunü Aqmescitte iş ziyareti çerçivesinde bildirdi, dep haber ete Aqmescit şeer şurasınıñ matbuat-merkezi.
Skvortsovanıñ aytqanına köre, aprel ayından başlap, Qırımda tibbiyet adamlarınıñ aylıq köterilüvi boyunca işler alıp barılacaqtır.
«Nazir qayd etti ki, RF-da ekimniñ orta aylığı – 43 biñ, emşireniñ – 23 biñ rusiye rublesi», – deyler matbuat-merkezinde.
Bundan da ğayrı, naziriniñ aytqanına köre, 2016 senesinden başlap, Rusiye Federatsiyasında bütün tibbiyet adamlarınıñ akkreditatsiyası olıp keçecek. Tibbiyet universitetini bitirgen student mahsus tibbiyet yardımı içün izin vesiqanı elde etecektir.
Terapevt, bala ekimi, iş ekimi olıp çalışmağa isitegen tibbiyet aliy oquv yurtlarınıñ studentleri ekimlik işine birinci sıralarda akkreditatsiyadan keçecekler.
Bunı o aprel 1 kunü Aqmescitte iş ziyareti çerçivesinde bildirdi, dep haber ete Aqmescit şeer şurasınıñ matbuat-merkezi.
Skvortsovanıñ aytqanına köre, aprel ayından başlap, Qırımda tibbiyet adamlarınıñ aylıq köterilüvi boyunca işler alıp barılacaqtır.
«Nazir qayd etti ki, RF-da ekimniñ orta aylığı – 43 biñ, emşireniñ – 23 biñ rusiye rublesi», – deyler matbuat-merkezinde.
Bundan da ğayrı, naziriniñ aytqanına köre, 2016 senesinden başlap, Rusiye Federatsiyasında bütün tibbiyet adamlarınıñ akkreditatsiyası olıp keçecek. Tibbiyet universitetini bitirgen student mahsus tibbiyet yardımı içün izin vesiqanı elde etecektir.
Terapevt, bala ekimi, iş ekimi olıp çalışmağa isitegen tibbiyet aliy oquv yurtlarınıñ studentleri ekimlik işine birinci sıralarda akkreditatsiyadan keçecekler.
