Link açıqlığı

Qırımtatarlar Qurultayınıñ yañı sessiyasında referendumnıñ keçirilmesini muzakere etecekler


Yaqın kelecektе qırımtatar halqınıñ Qurultayınıñ yañı sessiyası ötkerilecek. Mında referendumnıñ keçirilüv imkânı ve saylav içün sualleriniñ tizilüvi muzakere etilecektir. Bunı aprel 1 künü Meclisniñ toplaşuvında Meclis reisi Refat Çubarov bildirdi.

Onıñ aytqanına köre, aprel 15 künü Qurultaynıñ yañı sessiyası olıp keçecek. Meclis reisi şunı da qayd etti ki, qırımtatar milliy Meclisi bir qavim içinde referendumnıñ keçirilmesinen bağlı olğan bütün ceetlerini baqıp çıqacaq gruppanı teşkil eteсektir.

Al-azırda qırımtatarlar bu meselede yardımcı ola bilecek halqara teşkilâtlarını qıdırmaqtalar. «İlk evelâ, ziddiyetleriniñ ögüni ala bilgen teşkâilâtlardır, misal içün Avropa havfsızlıq ve işbirlik teşkilâtı ya da BMT insan aqqları boyunca Yuqarı komissarnıñ İdaresidir», – qayd etti Çubarov.

Bunıñ beraber o, Meclisniñ bölünüvi aqqında malümatnı red ete.

«Qırımtatar milliy Mеclisi qararalarnı er vaqıt muzakereler devamında ala, amma böyle al Mecliste bölünüv yüz bergenini aytmay», – dedi Çubarov.
XS
SM
MD
LG