Link açıqlığı

Qırımlılar suvnı Kubandan alacaq


Qırımnı suvnen temin etmek içün Kubandan suv ağını quracaqlar.

Bunı Rusiye Federatsiyasınıñ baş naziri Dmıtro Medvedev bildirdi, haber ete öz başına tayinlengen «Qırım akimiyetiniñ» ruporı «Krıminform» agentligi.

Bundan ğayrı, o, suvnı tuzdan temizleycek zavod quruvı aqqında ayttı. Yaqın vaqıtta ükümet bu tekliflerni talil etip, kelişken bir variant seçip alacaq ve onı yerine ketirecek, dep qayd etti Medvedev.

Medvedevniñ aytqanına köre, suvnen temin etüv Qırımnıñ mesken-kommunal hocalığında eñ pıtraqlı meseledir. Bu ceetten yarımada Şimal-Qırım kanalına bağlı.

Baş nazir qayd etti ki, kanal 1960-1970 seneleri quruldı, o, 80% eskirdi. Yarımadada suvnen temin etüv sisteması ise 60% eskirdi. Neticede suvnıñ aman-aman 50% ğayıp olması mümkün.

«Bizler Qırım ve Aqyarda vatandaşlarımız suvnen temin etilsin dep, kerekli usullarnı tapacaqmız», – dedi ükümet yolbaşçısı.
XS
SM
MD
LG