Link açıqlığı

Putin Qırım memurlarınıñ aylıqlarını arttırmağa emir etti


Rusiye prezidenti Volodımır Putin «Qırım Cumhuriyeti ve Aqyar şeeriniñ devlet bücetinden maliye etilgen müessise hadimleri ve devlet ve belediye organları hadimleriniñ aylıq arttıruvı aqqında» emirni imzaladı.

Emirni «Qırım Cumhuriyetiniñ Devlet şurası» olaraq adlanğan Qırımnıñ qanunsız parlamentiniñ matbuat hızmeti aydınlattı.

Qanunğa binaen, Qırım Cumhuriyeti ve Aqyarda yaşağan devlet hızmetçilerini içtimaiy kefillernen temin etmek maqsadınen bu sene aprelniñ 1-den başlap avgustnıñ 1-ne qadar aylıqlarnı ardı-sıra arttıracaqlar.

Aylıq miqdarı Rusiye Federatsiyasında olğan orta aylıq miqdarına qadar arttırılmaq kerek.

Putinniñ avalesinen Qırım Cumhuriyeti ve Aqyarnıñ devlet akimiyet organlarına bücetten maliye etilgen müessise hadimleri, devlet ve belediye organları hadimleriniñ aylıqlarını arttıruv aqqında qarar almağa tevsiye etile.

Rusiye Federatsiyasınıñ ükümetine ise mezkür emirni yerine ketirmek içün federal bücetinde buña lâzim olğan para ayırılmasını köz ögüne almağa avale etile.
XS
SM
MD
LG