Link açıqlığı

Qırım mahkümleri ve olarnıñ yolbaşçıları Rusiye vatandaşlığını qabul etmediler – Starenkiy


Qırım apshanelerinde bulunğan Ukraina Devlet penitentsiar hızmetiniñ hadimleri ve mahkümlerden iç bir kimse Rusiye vatandaşlığını qabul etmedi.

Bunı Ukraina Devlet penitentsiar hızmetiniñ yolbaşçısı Serğiy Starenkiy Kiyevde keçirilgen brifingde bildirdi.

«Bizim hadimlerimizge Rusiye Federatsiyasınıñ pasportları teklif etilse de, olar bundan vazgeçtiler. Mahkümlerge ise böyle bir teklifler olmadı», – dedi o.

Starenkiyniñ aytqanına köre, şimdiki vaqıtta Qırımda hızmet etken 1026 hadimden tek uç kişi hızmetini Ukrainada devam etmege istey. Qalğanları vaziyet deñişmesini ya da emirni bekleyler.

Devlet penitentsiar hızmeti 3258 mabusnı Qırımdan Kiyev apshanelerine alıp kelmege planlaştıra.
XS
SM
MD
LG