Rusiye ordularınıñ Ukraina sıñırları yanında bulunması bazar künü NATOnıñ baş komandanını Amerika Qoşma Ştatlarından Avropağa qaytmağa mecbur etti.
Amerika generalı Filipp Bridlav, Avropada NATOnıñ baş komandanı ve AQŞ Avropa komandanlığınıñ komandanı, Vaşingtonda Kongress komitetlerinde çıqışta bulunacaq edi, lâkin mudafaa naziri onı acele sürette Avropağa keri qaytarıp, NATO ittifaqdaşlarınen mesleatlar keçirmege avale etti.
Pentagov vekiliniñ malümatına köre, Bridlav «Şarqiy Avropada NATO ittifaqdaşlarına qoşma telükesizlik kefilleri berilmesiniñ usullarını» muzakere etmek kerek. Salı ve çarşenbe künleri o, Brüsselde NATO aza-memleketleriniñ tış işler nazirlerinen körüşecek.
AQŞ bildirgenine köre, al-azırda Ukrainanıñ şarqiy sıñırları yanında 40 biñ Rusiye arbiy adamı buluna. Ukraina ve çetel mütehassısları Rusiye prezidenti Volodımır Putin Ukrainanıñ Qırımını zapt etken soñ, başqa regionlarğa da istilâ ete bile, dep qorqalar.
Amerika generalı Filipp Bridlav, Avropada NATOnıñ baş komandanı ve AQŞ Avropa komandanlığınıñ komandanı, Vaşingtonda Kongress komitetlerinde çıqışta bulunacaq edi, lâkin mudafaa naziri onı acele sürette Avropağa keri qaytarıp, NATO ittifaqdaşlarınen mesleatlar keçirmege avale etti.
Pentagov vekiliniñ malümatına köre, Bridlav «Şarqiy Avropada NATO ittifaqdaşlarına qoşma telükesizlik kefilleri berilmesiniñ usullarını» muzakere etmek kerek. Salı ve çarşenbe künleri o, Brüsselde NATO aza-memleketleriniñ tış işler nazirlerinen körüşecek.
AQŞ bildirgenine köre, al-azırda Ukrainanıñ şarqiy sıñırları yanında 40 biñ Rusiye arbiy adamı buluna. Ukraina ve çetel mütehassısları Rusiye prezidenti Volodımır Putin Ukrainanıñ Qırımını zapt etken soñ, başqa regionlarğa da istilâ ete bile, dep qorqalar.
