Qırım alimleri ve ekologik cemaatı Rusiye prezidenti Volodımır Putinge yarımadanıñ alelhusus tabiat yerleriniñ yardım ve inkişafını temin etmege rica eteleler.
Böyle mektüpni Putin adına belli Qırım alimleri ve ekologik cemaat vekilleri azırladılar.
Muracaat mektübinde Qırımnıñ hususiy tabiat yerleriniñ taqdirinen bağlı meseleler qayd oluna. Ve bu yerleriniñ saqlanuvı içün acele çare körmege rica etile.
«Qırım Cumhuriyetiniñ Rusiye Federatsiyası terkibinde şekillendirüvi vaqtında Qırım Cumhuriyetiniñ ve Aqyarnıñ alelhusus tabiat yerleriniñ dağıluv havfı, bunıñnen beraber akimiyet tertibatınıñ islâatı ketişatında tabiat qorçalayıcı programmalarınıñ teminlevi toqtatılması Qırım tabiat qorçalayıcı ve ilmiy cemaatı arasında büyük bir qasevet doğura», – dep aytıla beyanatta.
Olar RF prezidentiniñ diqqatını Qırım Cumhuriyetiniñ 6 qorurına ve bir milliy parkına celp eteler. Bular tek cumhuriyetiniñ degil de, regional ekologik temelini teşkil etip, yüksek keyfiyetli suv yedegini temin etken, tabiat felâketlerine yol bermegen bütün dünya variyetidir,
«Qırım yarımadasında türlü qoruv cedvellerine: Qızıl kitaplar, Avropa Qızıl cedveli, Qırım Cumhuriyetinde hususiy qoruvğa muhtac olğan nebatlarnıñ cedveline kirgen ayvan ve ösümliklerniñ 700-den ziyade çeşiti yoq olmaq havfı astında qalmaqtadır», – qayd eteler ekologlar.
Şunıñ içün olar evelden Ukraina tabiat-qorur fondınıñ territoriyasına ait olğan Qırım Cumhuriyetindeki bütün qorurlarnı ve milliy parkını Rusiye Federatsiyasınıñ tabiat resursları ve ekologiya Nazirligine tabi etmege rica eteler. Akademik ilmiy müessiseleri olğan Qaradağ qorurını ve Nikita nebatat bağçasını Rusiye ilimler Akademiya teşkilâtlarınıñ tertibtına kirsetmege teklif eteler.
Bundan da ğayrı, olar Qırım Cumhuriyeti ve Aqyarnıñ tabiat qoruv cemaat vekilleriniñ RF tabiat resurasları ve ekologiya Nazirligine kirsetmesini isteyler.
Beyanatnı «Ekologiya ve dünya» assotsiatsiyasınıñ, Vernadskiy adına Tavriya milliy universitetiniñ ve milliy tabiat bağçalarınıñ vekilleri imzaladı.
Böyle mektüpni Putin adına belli Qırım alimleri ve ekologik cemaat vekilleri azırladılar.
Muracaat mektübinde Qırımnıñ hususiy tabiat yerleriniñ taqdirinen bağlı meseleler qayd oluna. Ve bu yerleriniñ saqlanuvı içün acele çare körmege rica etile.
«Qırım Cumhuriyetiniñ Rusiye Federatsiyası terkibinde şekillendirüvi vaqtında Qırım Cumhuriyetiniñ ve Aqyarnıñ alelhusus tabiat yerleriniñ dağıluv havfı, bunıñnen beraber akimiyet tertibatınıñ islâatı ketişatında tabiat qorçalayıcı programmalarınıñ teminlevi toqtatılması Qırım tabiat qorçalayıcı ve ilmiy cemaatı arasında büyük bir qasevet doğura», – dep aytıla beyanatta.
Olar RF prezidentiniñ diqqatını Qırım Cumhuriyetiniñ 6 qorurına ve bir milliy parkına celp eteler. Bular tek cumhuriyetiniñ degil de, regional ekologik temelini teşkil etip, yüksek keyfiyetli suv yedegini temin etken, tabiat felâketlerine yol bermegen bütün dünya variyetidir,
«Qırım yarımadasında türlü qoruv cedvellerine: Qızıl kitaplar, Avropa Qızıl cedveli, Qırım Cumhuriyetinde hususiy qoruvğa muhtac olğan nebatlarnıñ cedveline kirgen ayvan ve ösümliklerniñ 700-den ziyade çeşiti yoq olmaq havfı astında qalmaqtadır», – qayd eteler ekologlar.
Şunıñ içün olar evelden Ukraina tabiat-qorur fondınıñ territoriyasına ait olğan Qırım Cumhuriyetindeki bütün qorurlarnı ve milliy parkını Rusiye Federatsiyasınıñ tabiat resursları ve ekologiya Nazirligine tabi etmege rica eteler. Akademik ilmiy müessiseleri olğan Qaradağ qorurını ve Nikita nebatat bağçasını Rusiye ilimler Akademiya teşkilâtlarınıñ tertibtına kirsetmege teklif eteler.
Bundan da ğayrı, olar Qırım Cumhuriyeti ve Aqyarnıñ tabiat qoruv cemaat vekilleriniñ RF tabiat resurasları ve ekologiya Nazirligine kirsetmesini isteyler.
Beyanatnı «Ekologiya ve dünya» assotsiatsiyasınıñ, Vernadskiy adına Tavriya milliy universitetiniñ ve milliy tabiat bağçalarınıñ vekilleri imzaladı.
