Link açıqlığı

Saatnıñ esas haberi

Yazda Qırım ve Aqyarnıñ 2020 senesine qadar programması taqdim etilecek


Yaqın vaqıtta Qırım ve Aqyarnıñ 2020 senesine qadar Federal inkişaf programması azırlanılacaq.

Bunı Rusiye Federatsiyası regional inkişafı nazir muavini Serğiy Nazarov Aqyardaki toplaşuvda ayttı, dep bildire Aqyar şeer devlet memuriyetiniñ matbuat hızmeti.

«Bizim esas maqsadımız Qırım ve Aqyarnıñ 2020 senesine qadar Federal inkişaf programmasınıñ azırlanması olmaq kerek. Mında Qırım federal bölgesiniñ yatırım leyhaları, içtimaiy-iqtisadiy inkişaf programmaları köz ögüne alınmaq kerek», – dep ayttı Serğiy Nazarov.

O, yerli memurlarğa muracaatta bulunıp, iyülniñ 1-ne qadar Rusiye Federatsiyası ükümetiniñ Federal programmasına kirsetilecek tekliflerini bildirmege teklif etti.

«İşimizniñ müim bir tarafı Aqyar ve Qırım inkişafınıñ baş planı ve regionda milletlerara munasebetler sistemasına esaslanıp, territorial planlaştıruv vesiqalarını şekillendirüv olmaq kerek», – dep qayd etti Nazarov.
XS
SM
MD
LG