Link açıqlığı

Saatnıñ esas haberi

Qırım studenlerine Urainanıñ diger aliy oquv yurtına keçmek içün sınav kitapçığı da yeterlidir – tasil ve ilim Nazirligi


Ukraina tasil ve ilim Nazirligi Qırım studentleriniñ memleketniñ diger aliy oquv yurtlarına keçmesini qolaylaştırdı.

Tasil ve ilim naziriniñ birinci muavini İnna Sovsunnıñ aytqanına köre, bütün zaruriy vesiqalarnı elde etmegen Qırım studentlerini aliy oquv yurtlarğa qabul etmek içün izin berildi. Studentler vesiqalarnı soñca ketire bileler.

«Qırım studentleriniñ keçirilüvi içün şahsiy işlerniñ oluvı lâzimdir, amma, eger de onı elde etmege imkân olmasa, bare sınav kitapçıqnı ketirmeliler», – dedi Sovsun.

Onıñ aytqanına köre, eger de vesiqlarnen bağlı olğan meseleler peyda olsa, aliy oquv yurtları tasil sualleri boyunca Yekâne devlet elektron bazasını qullanıp, studentniñ aqiqaten Qırım universitetinde tasil alğanını teşkire bileler.

«Muqaleve boyunca oquğan studentlerge kelgende, Nazirlik aliy oquv yurtlarğa Qırımda olğan ödev miqdarını saqlamağa muracaatta bulundı», – dedi Sovsun.

Şu künleri tasil keyfiyetine qıymet kesüvi boyunca Ukrain merkeziniñ müdiri İgor Likarçuk şimdiki şaraitlerde Qırımda VNOnı keçirmege imkân olmağanını qayd etti.
XS
SM
MD
LG