Link açıqlığı

Qırımdan «Rusiye Singapurı»nı yapacaq olalar


Rusiyede Qırım Singapur kibi inkişaf etecegine işanalar.
Bunı tanılmağan Qırım nazirler Şurasınıñ Facebook saifesinde bildireler.

Bugün Aqmescitte «Delovaya Rossiya» Umumrusiye cemaat teşkilâtı ve «Qırım akimiyeti» arasında işbirlik añlaşması imzalanıldı.

Esas maqsat – Cumhuriyette mahsus vekâletli iqtisadiy daireni teşkil etmek – işbu añlaşma çerçivesinde cumhuriyette oñaytlı ticaret-müitiniñ peyda olunuvı boyunca iş alıp barılacaq.

2014 senesi iyün ayında «Delovoy Krım»nıñ ilk forumı keçirilecegi planlaştırıla. İleride o er bir yıl ötkerilecek, – dep aytıla beyanatta.

«Qırım ve Rusiyeniñ bir qaç biñ iş adamı sual ve meselelerni muzakere etecekler. Qırımdan Rusiye Singapurını etmek içün olğan ğayelerini teklif etecekler. Bizimce, mında yatırımnıñ, em de tek Rusiyeden degil, kelmesi içün bütün imkânlar bar», – dedi «Delovaya Rossiya» Umumrusiye cemaat teşkilâtınıñ reisi Andriy Nazarov.
XS
SM
MD
LG