Link açıqlığı

«Ukrzalіznitsâ» memleketniñ bütün vilâyet mekerzleriniñ vokzalarında işğal etilgen Qırım qaçaqlarına yardım kösterecek noqtalarını meydanğa ketirdi.

Müessiseniñ matbuat-hızmeti bergen malümatına köre, yarımadanıñ sakinlerini qabul etmek içün demiryol vokzallarnıñ binalarında mahsus odalarnı açtılar. Mında yerli akimiyet organları ekimlernen birlikte insanlarğa yardım kösterecekler.

Böyle noqtalar Donetsk, Lugansk, Lvov, Ternopol, Rovno, İvano-Frankovsk, Çernovtsı, Ujgorod, Lutsk, Ödessa-Glavnaya, Herson, Kirovograd, Nikolayev, Çerkassı, Harkov-Passajirskiy, Summı, Poltava-Yujnaya, Dnepropetrovsk, Zaporojye-1, Kiyev-Passajirskiy, Vinnitsa, Hmelnitsk, Çernigov ve Jitomirde çalışalar.

«İşbu noqtalarnıñ areketleri aqqında malümat «Ukrzalіznitsâ» demiryol resmiy saytlarında peyda olacaq ve doğrudan-doğru vokzallarda berilecek», – dep aytıla beyanatta.
Mart 16 kunü Qırım referendumnıñ keçirilüvinden ve mart 18 künü yarımadanıñ Rusiyege qoşuluvından soñ, bu qararnen razı olmağan Qırım sakinleri, şu cümlede arbiy hızmetçiler de cumhuriyetten Ukrainanıñ qıtaviy qısımına ketmege başladılar.
XS
SM
MD
LG