Link açıqlığı

Rusiye fedеrаl toplaşuvı Devlet dumasınıñ beden terbiye, sport, gençler işleri boyunca reisi İgor Ananskih Yaltada bütün rusiye sport tedbirleri, yarış ve toplaşuvlarınıñ keçirilecegini ayta.

Bunı Yalta şeer şurasınıñ matbuat-hızmeti bildire.

Şeer akimiyeti, öz nevbetinde, böyle tedbirleriniñ keçirilmesine azır olğanlarını bildire.

RF Devlet duması vekilleriniñ fikirlerine köre, eñ yaqın kelecekte Qırım sportçuları bütün rusiye sport terkibine kirmek kerekler.

«Siziñ bütün rusiye qorantasına kirgeniñiz içün er şey yapmaq azırmız», – dedi İgor Ananskih.

Bunıñnen beraber Yalta sakinlerine sport ve millet sağlamlaştıruvı boyunca tevsiyelerini berdi.

«Umumtasil mekteplerine mıtlaqa aftada beden teribiyesiniñ 3 dersini kirsetmek kerek. Nevbetteki adım – bu seneniñ sentâbr ayında olıp keçecek GTO normalarınıñ berilüvine azırlanmaq», – dep, Yalta idmancı ve ocalarınıñ aylıqları da kötere bilecegi aqqında aytıp keçti.
XS
SM
MD
LG