Link açıqlığı

Qırım «milis»i qabaarcılıqqa şikâyetlerni toplay


Öz başına tayinlengen Qırım akimiyetiniñ Qırım Cumhuriyeti boyunca içki işler naziri Sergiy Abisov Qırım sakinlerinе, qabaarcılıqnen rastkelgen olsalar, miliske muracaat etmege ricada buluna.

«Qırım vatandaşlarına» mütenasip muracaat Qırım milisi saytında peyda oldı.

«Eger de siz içki işler organlarınıñ hadimleri tarafından qabaarcılıq areketlerini qayd etseñiz, ya da, meselâ, cinaiy işleriniñ baqıluvı içün, ticaretnen oğaraşmaq ruhsetini, diger vesiqalarını bermek içün sizden maddiy vastalarını talap etseler, bunı deral miliske haber etiñiz», – dep aytıla muracaatta.

Qabarcılıq tariginiñ er birisi aqqında iş künleri saat 9-dan saat 19-ğace nevbetteki telefon vastaları ile bildirmege rica eteler: (0652) 556-821 ve (0652) 556-285.

«Bizge kelgen er bir muraacatqa şu daqqası ve qattı sürette cevap berecekmiz», – dep işandıra Sergiy Abisov.
XS
SM
MD
LG