Link açıqlığı

Aqmescit merkezindeki kitap tükânlarında Rusiye prezidenti Volodımır Putinniñ portretleri, Rusiye qanunları ve RF Anayasası ile risaleler peyda oldı.

Bunı öz başına tayinlengen Qırım akimiyetiniñ ruporı olğan Krıminform agentligi bildire.

«Prezidentniñ portretleri bizde bugün peyda oldılar, olarnı yahşı alalar, ögüñizden 2 portretni satın aldılar. Ufaq portretiniñ fiyatı – 10 grivna, büyük – A3 şeklinde – 20 grivna (tahminen 80 rusiye rublesi), çerçivede olğan portret – 65 grivna tura. Diger Rusiye ya Qırım siyasetçileriniñ portretleri daa yoqtır», – tarif ettiler Qırım tükânlarınıñ birisinde.

Satıcılarınıñ aytqanlarına köre, Rusiye qanunlarınen olğan risalelerni sorağanlar çoqtır. Onı endi bir qaç kün devamında satalar.

«Memuriy, Grajdanlıq, Bergi Qanunnamelerini aman satın alalar. Yol areket qaidelerni de qaldırmaylar. Şimdi yañı partiyalarnı sımarlaymız», – ikâye etti agentliginiñ subetdeşi.

Olğanı kibi, şeer sakinleri arasında Rusiye timsalleri dе pek popullârdır – devlet tuğra ve bayraqları.

Aqmescitte soñki ay devamında maşna saipleri, arabalarınıñ şirketlerine baqmadan, öz maşnalarına Rusiye bayraqlarını pekitip yüreler.
XS
SM
MD
LG