Link açıqlığı

Rusiye pasportlarını elde etken Qırım sakinlerine biometrik pasportlarını bermeycekler – Yatsenük


Biometrik pasportları tek Rusiye Federatsiyasınıñ pasportları olmağan Ukraina vatandaşlarına berilecek.

Bunı Kiyevde olıp keçken matbuat-konferentsiyası devamında Avropa qomşulıq siyaseti boyunca Avropa komissarı Ştefan Füle ve bücet ve maliye meseleleri boyunca Avropa komissarı Yanoş Levandovskiynen birlikte Ukraina baş naziri Arseniy Yatsenük bildirdi, dep haber ete ÜNİAN.

«Biometrik pasportları diger pasportı, daa doğrusı Rusiye Federatsiyasınıñ pasportı olmağan Ukrain vatandaşlarına berilecek», – dedi Arseniy Yatsenük.

O şunı da qayd etti ki, «ruhsetnamelerini Ukraina vatandaşlarından tek aqiqaten vatandaş olğanları elde ete bilecek».

Ukraina baş naziri Ukraina vatandaşları biometrik pasportlarnı şu seneden başlap ala bilecegini mart 26-da ilân etti.

«Bu sene devamında biometrik pasportlarını bermege planlaştıramız. Ve bizim Avropalı şeriklerimiz bu qararlarınıñ neticesinde Ukraina ve Avropa Birligi arasında ruhsetnamesiz rejimini kirseteceklerine ümüt etemiz», – dedi o.

Baş nazir biometrik malümatları ile olğan pasportınıñ şekilini tasdıqlağan vesiqanı endi imzaladı.
Ukraina çetel işler naziriniñ vazifelerini eda etken Andriy Deşçitsa Ukrainanıñ yılnıñ soñuna qadar Avropa Birliginen ruhsetnamesiz rejiminiñ kirsetilüvini tahmin ete.

«Realist olsaq, Ukraina ile Avropa Birligi arasında ruhsetnamesiz rejimi yılnıñ soñuna qadar kirsetile bile. Biometrik pasportlarınıñ, sıñır qontroliniñ kirsetilüvini nazarda tutqan bir qaç qanun ve aktlarnı qabul etmek kerekmiz», – qayd ete Deşçitsa.
XS
SM
MD
LG