Link açıqlığı

Yarımadanıñ işğaline qarşı çıqqan qırımtatarınıñ cezasını aydınlatqan video peyda oldı


Reşat Ametov
Reşat Ametovnıñ Qırım nazirler Şurası binasınıñ yanında Qırım işğaline qarşı köstergen numayışı vaqıtta esirlikke alınğanını tasdıqlağan video peyda oldı.

Bunı onıñ ğayıp olğan kününde çıqarılğan video ve «Ukrainskaya pravda» da olğan soy-soplarınıñ aytqanları isbatlay.

Lenin meydanından canlı yayınlavnı alıp barğan ATR telekanalınıñ çıqarılğan videoda meydanda plakatsız 1,5 saat devamında indemeyip turğan Reşatnı körmek mümkün.

Onı bina altında körmege imkânımız bar. Video devamında onıñ aynı bir yerde turğanını köre bilemiz.

Diger videolarda ise bundan soñ yüz bergen qısqa dava neticesinde mahsus urbağa kiyingen insanlar onı tutıp, maşnağa alıp ketkenlerini köremiz. Videonıñ 9-ıncı daqiqasında onı meydandan nasıl etip çıqarğanları körüne.

Araba yanında o, qarşılıq köstermege tırıştı, amma onı zoraki maşnağa oturttılar.

Meydanğa çıqmaq istegini o Facebookta bildirdi: «Bazarertesi künü Nazirler Şurasına çıqacaq olam. Ayaq üstünde turıp, narazılıq kösterecem. Siz de çıqarsıñızmı?».

Bazarertesi künü ise qayda ketkenini soy-soplarına aytmadı eken.

«Qayda ketti bilmey edik. O kününiñ sabası o, yanına pasportnı, bala doğğanına aqça varaqasını aldı…voyenkomatqa ketkenini tüşündik», – tarif ettiler Ametovnıñ soyları.

«Bundan evel Reşat siyasiy faaligini köstermey edi. Amma daima adaletni talap ete edi. Mayıs ayında narazılıq numayışnı endi keçirgen edi», – dep ayttı "Ukrainskaya pravda"ğa onıñ anası Refika Ametova.

Tuvğanlarınıñ aytqanlarına köre, soñki vaqıtları o, Mahatma Gandiniñ tınç narazılıqları ve zorbalıqlarnıñ red etüvi aqqında ğayelerinen meraqlana edi.

Ametovnıñ cesetini mart 15 künü Qarasuvbazar rayonı Zemlâniçnoye köyüniñ tarlasında taptılar.

Ametovnıñ 3 balası qaldı, eñ kencesi 2,5 aylıq çağındadır.

Video: Ukrayinskaya pravda, ATR
XS
SM
MD
LG