Ukraina nazirler Kabineti Qrım işğali sebebinden memleketniñ arbiy müessiselerine mahsus maliye yardımını kösterdi.
Ukraina maliye Nazirligi matbuat-hızmetiniñ bergen malümatına köre, memleketteki qıyın iqtisadiy vaziyetine baqmadan, akimiyet arbiy hızmetçilerini desteklemek içün para tapqandır.
«Qırım işğali sebebinden cemaatçılıq arasında Ukraina orduları ve mudaafa kompleksi devlet tarafından zaruriy yardımını körmek kerekligi aqqında söz yürsetile edi. Böyle vastalar tapıldı ve arbiy hızmetçilerge berildi», – dep aytıla beyanatta.
Böylelkinen, devlet bücetiniñ yedek fondında Mudaafa nazirliginiñ, MVD İçki ordularınıñ ve Ukraina Devlet sıñır hızmetiniñ maliye teminlevine 6,8 milliard grivna ayırılğandır.
Ukraina Yuqarı Şurası Ukraina Devlet bücetine mütenasip deñişüvlerini kirsetti.
Bundan da ğayrı, Devlet bücetiniñ yedek fondından endi 1,8 milliard grivna miqdarında birinci destek ayırıldı. Olardan Mudaafa Nazirligine – 1,4 milliard, MVD İçki ordularınıñ Baş idaresine – 359,8 million, Devlet sıñır hızmetine – 27,3 million grivna berildi. Bu maliye vastalar yuqarıda añılğan müessiselerniñ birinci nevbetteki ihtiyaclarını teminlemek içün qullanmalı.
Ukraina maliye nazirligi, öz nevbetinde, işbu masraflarnıñ teminlevi içün bütün kerekli vesiqalarnı azırladı.
Ukraina maliye Nazirligi matbuat-hızmetiniñ bergen malümatına köre, memleketteki qıyın iqtisadiy vaziyetine baqmadan, akimiyet arbiy hızmetçilerini desteklemek içün para tapqandır.
«Qırım işğali sebebinden cemaatçılıq arasında Ukraina orduları ve mudaafa kompleksi devlet tarafından zaruriy yardımını körmek kerekligi aqqında söz yürsetile edi. Böyle vastalar tapıldı ve arbiy hızmetçilerge berildi», – dep aytıla beyanatta.
Böylelkinen, devlet bücetiniñ yedek fondında Mudaafa nazirliginiñ, MVD İçki ordularınıñ ve Ukraina Devlet sıñır hızmetiniñ maliye teminlevine 6,8 milliard grivna ayırılğandır.
Ukraina Yuqarı Şurası Ukraina Devlet bücetine mütenasip deñişüvlerini kirsetti.
Bundan da ğayrı, Devlet bücetiniñ yedek fondından endi 1,8 milliard grivna miqdarında birinci destek ayırıldı. Olardan Mudaafa Nazirligine – 1,4 milliard, MVD İçki ordularınıñ Baş idaresine – 359,8 million, Devlet sıñır hızmetine – 27,3 million grivna berildi. Bu maliye vastalar yuqarıda añılğan müessiselerniñ birinci nevbetteki ihtiyaclarını teminlemek içün qullanmalı.
Ukraina maliye nazirligi, öz nevbetinde, işbu masraflarnıñ teminlevi içün bütün kerekli vesiqalarnı azırladı.
