Link açıqlığı

Qırımda bulunması istenmez olğan şahıslarnıñ cedvelinde Ukraina prezidenti administratsiyasınıñ baş muaviniñ vazifelerini eda etken Andriy Sençenkonıñ da adı olğanına baqmadan, o, episi bir Qırımğa barmağa planlaştıra, dep haber ete «Krım.Kommentarii» saytı.

«Oşlu cedvel. Qırımğa baracaq olam ya yoq – edalı sual degildir. Men Kiyevde çalışam, lâkin evim yarımadadadır», – dedi Sençenko.

Onıñ aytqanına köre, Qırımda akimiyet yoq, anda «Qırım parlamentinde bulunğan qanunsız insanlar toplamı ve Qırım akimiyet binasında qanunsız insanlar toplamı» bardır.

«Olarnıñ qabul etken qararlarnı diñlegende bile külecegim kele, amma bu al çoqqa barmaycaq», – dedi Sençenko.

PAniñ baş muaviniñ vazifelerini eda etken Sençenko Qırım qaydı olğanını ve boş vaqıtı peyda olğanınen Qırımğa baracağını da ayttı.

Qırım parlamenti Qırımda bulunması istenmez olğan şahıslarnıñ cedvelini aydınlattı. Cedvelge 321 insan kirsetildi.
XS
SM
MD
LG