Yerli qaydı olmağan Qırım sakinleri bir ay içinde Rusiyeden çıqıp ketmek kerek.
Bunı tünevin Rusiye Federatsiyası federal migratsion hızmetiniñ reisi Viktoriya Giçko Aqyarda ötkerilgen matbuat konferentsiyasında bildirdi, dep yaza «SEVAS-İNFORM».
Giçkonıñ aytqanına köre, martnıñ 18-ne qadar daimiy qaydı olğan Ukraina vatandaşları Rusiye vatandaşları olaraq tanıla, qalğanları «çetel vatandaş» statusını alacaqlar. Böyle etip, olar aprelniñ 19-na qadar Rusiyeni terk etip, soñra keri qaytıp, mında daimiy sürette yaşamaq içün resmiy vesiqanı almaq kerekler.
«Olarnıñ şimdi böyle bir vesiqaları olmasa, olar Rusiye Federatsiyasını terk etip, bütün kerekli vesiqalarnı resmiyleştirmek kerekler», – dep ayttı memur.
Rusiye Federatsiyasınıñ federal migratsion hızmetiniñ temsilcisi bildire ki, Qırımnıñ Rusiyege qoşulması aqqında Añlaşma imzalanğan kününden başlap bir ay içinde territoriyanı terk etmek kerek, aks alda qaideni bozğan şahıslar «memuriy mesülietke çekilecek».
İşbu qaidelerni bozğan «çetel vatandaşı» nasıl etip cezalanacaq Viktoriya Giçko aytmadı, amma er biriniñ işi baqılacaq, cinayet oldımı ve ne sebepten yapıldı ögrenilecek, dep qayd etti.
«Belki de, adamnıñ sağlığı yaramadı ve o, çıqıp olamadı. Men şimdi olmağan şeyler aqqında aytıp olamayım», –dep bildirdi o.
Bunı tünevin Rusiye Federatsiyası federal migratsion hızmetiniñ reisi Viktoriya Giçko Aqyarda ötkerilgen matbuat konferentsiyasında bildirdi, dep yaza «SEVAS-İNFORM».
Giçkonıñ aytqanına köre, martnıñ 18-ne qadar daimiy qaydı olğan Ukraina vatandaşları Rusiye vatandaşları olaraq tanıla, qalğanları «çetel vatandaş» statusını alacaqlar. Böyle etip, olar aprelniñ 19-na qadar Rusiyeni terk etip, soñra keri qaytıp, mında daimiy sürette yaşamaq içün resmiy vesiqanı almaq kerekler.
«Olarnıñ şimdi böyle bir vesiqaları olmasa, olar Rusiye Federatsiyasını terk etip, bütün kerekli vesiqalarnı resmiyleştirmek kerekler», – dep ayttı memur.
Rusiye Federatsiyasınıñ federal migratsion hızmetiniñ temsilcisi bildire ki, Qırımnıñ Rusiyege qoşulması aqqında Añlaşma imzalanğan kününden başlap bir ay içinde territoriyanı terk etmek kerek, aks alda qaideni bozğan şahıslar «memuriy mesülietke çekilecek».
İşbu qaidelerni bozğan «çetel vatandaşı» nasıl etip cezalanacaq Viktoriya Giçko aytmadı, amma er biriniñ işi baqılacaq, cinayet oldımı ve ne sebepten yapıldı ögrenilecek, dep qayd etti.
«Belki de, adamnıñ sağlığı yaramadı ve o, çıqıp olamadı. Men şimdi olmağan şeyler aqqında aytıp olamayım», –dep bildirdi o.
