Link açıqlığı

Qırımda «Çernomorneftegaznı» satmağa azırlar – kütleviy haber vastaları


Generic -- Gas pipes and red safety valves (©Shutterstock)
«Çernomorneftegaz» şirketini şahsiyleştirüv yarışı kelecek afta ilân etilmesi mümkün.

Bunı İTAR-TASS agentligine Qırımnıñ qanunsız ükümetiniñ birinci baş nazir muavini Rustam Temirgaliyev bildirdi.

Müessise şahsiyleştirüvinen meraqlanğan yatırımcılar bar, lâkin Temirgaliyev olarnıñ adlarını seslendirmey.

«Şimdi (bu kim olğanını) aytmağa istemeyim – bazarertesi kününden başlap yarış olacaq, eñ yaqın künleri yarış şartları belgilenecek, o, ilân etilecek», – dedi o.

Temirgaliyevniñ aytqanına köre, «Çernomorneftegaz» yatırımcılar tarafından büyük bir meraq doğura ve birinci mesleatlar endi olıp keçti. Añlaşmanıñ fiyatı daa belgilenmedi, lâkin şahsiyleştirüv yatırımcılardan içtimaiy infrastrukturağa para berilmesini talap ete bile.

«Eñ esası – qoşma şartlar. Şirketniñ fiyatı şimdi o qadar müim degil. Bizler yatırım aqqında aytamız, kim bile, belki de, qoşma bir şart olaraq Qırım mesken yerlerini gaznen temin etüv olacaq», – dep ayttı Temirgaliyev.

Bundan evel Qırım akimiyeti şirketni satuvğa çıqaracaq edi, «Gazprom» ise iddia etecek oldı.

Martnıñ 24-den başlap Qırımda gaz ihtiyacı «Çernomorneftegaz» Qırım cumhuriyet müessisesi çıqarğanları tarafından temin etile. Bunıñ kibi qararnı Qırımnıñ qanunsız parlament deputatları tarafından qabul etildi.
XS
SM
MD
LG