Link açıqlığı

Tünevin Ukraina Mudafaa naziri vazifesine tayinlengen general-polkovnik Mıhaylo Koval dey ki, Qırım buhranı Ukraina ordusınıñ vaziyetine akimiyet ve cemaatçılıqnıñ diqqatını celp etti.

«Qırımdaki adise-vaqialar – Ukraina devleti, em de Silâlı quvetleri içün ciddiy bir sınavdır. Bizler bu sınavdan keçmek içün olğan ğayretini sarf etemiz, – dep ayttı o, «Ukrinform» neşirine. – Buhran Ukraina Silâlı Quvetlerni inkişaf ettirmek içün bir sebep oldı».

Mudafaa nazirliginiñ yolbaşçısı bildire ki, Rusiye ordusı Ukrainağa istilâ etse, Ukraina Silâlı Quvetleri qarşılıq köstermege azır.

Martnıñ 26-da Ukraina Yuqarı Radası Ukraina mudafaa naziri İğor Tenühni istifağa yolladı. Onıñ yerine nazir vazifelerini eda etecek Mıhaylo Koval tayin etildi.
XS
SM
MD
LG