Vernadskiy adına Tavriya milliy universitetiniñ (Aqmescit) studentleri rektor Mikolay Bagrovğa universitet Rusiye tasil ve ilim Nazirligine berilse bile, aliy oquv yurtında evelki oquv şartlarını qaldırmağa rica eteler.
Mütenasip mektüp Vkontakte içtimaiy ağdaki «Tipiçnıy TNU» saifesinde basıldı. Mında studentler adet üzre öz problem ve haberlerini muzakere eteler.
Mektüp mart 26 sanınen belgilene.
Onıñ müellifleri bu sene universitetni yekünlegen studentlerge ukrain, eger de aliy oquv yurtları federal olaraq akkreditatsiyadan keçmege yetiştirse, ukrain diplomlarınen beraber rus diplomlarınıñ da berilmesini isteyler (ya aynı zamanda, ya isteklerine köre).
Bundan da ğayrı, olar stipendiya, oquv ve yataqhane içün ödeviniñ miqdarını bugünki künde olğanı kibi qaldırmağa teklif eteler.
«Biz isteklerimizniñ diqqatqa alınğanını isteymiz. Universitetke oqumağa kirgenleriniñ imzalanğan kontrakt şartlarınıñ ve oquv fiyatınıñ deñişmeyip qalğanını isteymiz. Yataqhane içün ödev de 2015-2016 seneleri devamında köterilmegenini isteymiz. Gece-kundüz ziyaret qaideleri bugünki künde yataqhanede olğan diger qaidelerinen beraber saqlanıp qalmasını isteymiz», – dep aytıla mektüpte.
Bunıñnen bir sırada studentler Ukrainanıñ diger aliy oquv yurtlarına keçmege istegenlerge vesiqalarnıñ tez sürette berilmesini ve studentler Rusiye grajdanlığını qabul etkenine, etmegenine baqmadan, olarnıñ oquv şartlarına riyayet etilmesini isteyler.
Mütenasip mektüp Vkontakte içtimaiy ağdaki «Tipiçnıy TNU» saifesinde basıldı. Mında studentler adet üzre öz problem ve haberlerini muzakere eteler.
Mektüp mart 26 sanınen belgilene.
Onıñ müellifleri bu sene universitetni yekünlegen studentlerge ukrain, eger de aliy oquv yurtları federal olaraq akkreditatsiyadan keçmege yetiştirse, ukrain diplomlarınen beraber rus diplomlarınıñ da berilmesini isteyler (ya aynı zamanda, ya isteklerine köre).
Bundan da ğayrı, olar stipendiya, oquv ve yataqhane içün ödeviniñ miqdarını bugünki künde olğanı kibi qaldırmağa teklif eteler.
«Biz isteklerimizniñ diqqatqa alınğanını isteymiz. Universitetke oqumağa kirgenleriniñ imzalanğan kontrakt şartlarınıñ ve oquv fiyatınıñ deñişmeyip qalğanını isteymiz. Yataqhane içün ödev de 2015-2016 seneleri devamında köterilmegenini isteymiz. Gece-kundüz ziyaret qaideleri bugünki künde yataqhanede olğan diger qaidelerinen beraber saqlanıp qalmasını isteymiz», – dep aytıla mektüpte.
Bunıñnen bir sırada studentler Ukrainanıñ diger aliy oquv yurtlarına keçmege istegenlerge vesiqalarnıñ tez sürette berilmesini ve studentler Rusiye grajdanlığını qabul etkenine, etmegenine baqmadan, olarnıñ oquv şartlarına riyayet etilmesini isteyler.
