Link açıqlığı

Dnepropetrovsk vilâyetinde Qırım qaçaqlarını işnen temin etüv merkezlerine ve ruhiyatçılarğa yazdıralar


Dnepropetrovsk vilâyetiniñ qorantalar, balalar, gençler içün çalışqan içtimaiy hızmetler Merkezlerine Qırım ve Aqyar toprağından köçip kelgen 4 aile muracaatta bulundı.

Bunı Dnepropetrovsk vilâyet administratsiyasınıñ beden terbiye ve sport, aile ve gençler departamentinde bildireler.

Departamentniñ bergen malümatlarına köre, bu qorantalarda 12 bala bar eken. Olardan episi zaruriy yardımını kördiler, eki qoranta içtimaiy nezaret altında bulunmaqtalar.

Şu cümlede, Dnepropetrovsknıñ Kirovskiy rayonında bir qadın yüklü olğanından sebep, hastahane hızmetçileri tarafından baqıla.

«İçtimaiy hızmetler Merkezleri regionlar sakinlerine, hususan Qırımdan kelgenlerge çeşit-türlü hızmetlerni köstere. Misal içün, vesiqalarnıñ resmiyleştirüvinen, içtimaiy para tölenüvinen, işnen temin etken merkezlerinde vesiqalarnıñ qayd etilüvinen yardım ete bileler», – qayd eteler Dnepropetrovsk vilâyetiniñ devlet administratsiyasında.

XS
SM
MD
LG