Rusiye orduları zapt etilgen ukrain tanklarını Qırımnıñ şimaline yollaylar.
Bunı öz Facebook saifesinde Ukraina Mudaafa nazirliginiñ Qırım regional media-merkeziniñ yolbaşçısı Vladislav Seleznöv bildire.
«Berilgen malümatlarğa köre, saat 16:00 Qırımnıñ şimaline taba Rusiye Federatsiyasınıñ 10 tralından ibaret olğan kolona yol aldı. Olarnıñ vastası ile 36-ncı yalı mudaafa brigadanıñ (Perevalnoye) terkibindeki T-64b tanklarını köçüreler. Kolonanı GAİ ve VAİ maşnalarnı ozğara», – dey o.
Bundan da ğayrı, onıñ bergen malümatına köre, Sarabuz meskün yeriniñ etrafında Aqmescitke taba 50 arbiy tehnika yol ala eken.
«Sarabuz meskün yeriniñ etrafında Aqmescitke taba 50 arbiy tehnika, şu cümlede BTR, «tigr», şahsiy erkânnı ve yaqarlıqnı taşığan maşnalar da yol ala», – qayd etti Seleznöv.
