Al-azırda Ukraina Silâlı Quvetleriniñ polkovnigi, Belbekte 204-nci taktik aviatsiya brigadasınıñ komandanı Yuliy Mamçurnı azat eteler.
Bunı Kiyevde keçirilgen brifingte Ukraina prezidenti vazifelerini eda etken Oleksandr Turçinov bildirdi.
«Şu daqqası Mamçurnıñ ve diger ofitselerimizniñ azat olunuvı keçirile. Olarnı yarın Kiyevde körmege ümüt etemiz», – Turçinovnıñ sözlerini Tvitterde jurnalistler beyan eteler.
Esirleriniñ azat olunuvı aqqında bildirüvinden soñ Turçinov brifingten ketti. SMİ temsilcilerinen SNBOU kâtip muavini Viktoriya Sümar subet ete.
