Qırım Cumhuriyetiniñ Devlet şurası olaraq adlanılğan Qırım parlamenti yarımadada yerleşken ukrain devlet müessiselerniñ milliyleştirüvinen bağlı olğan qararlarnı aldı.
Bunı öz-özüni tayin etken Qırım akimiyetiniñ ruporı olğan «Krıminform» bildire.
Deñiz limanları, şarap zavodları, demirуоlı ve diger müessiselerniñ çoqusı milliyleştirilgen müessiseler sırasına kirdi.
Milliyleştirüvge agrosanaiy kompleksiniñ 131 kompaniyası da oğradı. Olarnıñ arasında "Magaraç" ve "Massandra" şarap zavodları, "Novıy Svet" şampan şaraplarnıñ zavodı bar.
Qırımnıñ bütün qorurları, tabiat parkları, dağ ve av hocalıqları da öz-özüni tayinlegen cumhuriyetiniñ barlığına keçti.
Bundan da ğayrı, yarımadanıñ parlamenti "Qırım demiryolu" devlet müessiseni de meydanğa ketirdi. Onıñ idaresine yarımdada demiryol naqliyeniñ işini temin etken teşkilât, müessise, işhanelerniñ mülkiyeti keçti.
Sanaiy demiryol naqliyeniñ 3 saaara müessisesi peyda oldı – Aqmescit, Canköy ve Krasnoperekopsk. "Kiyev-Dneprovsk sanaiy demiryol naqliyeniñ saaara müessise"leriniñ bir adlı filiallarınıñ mülkiyeti olarnıñ terkibine kire.
