Jitomir vilâyetiniñ devlet teleradiokompaniyası «Jitomir» kanalı tarafından çıqarılacaq vesiqalı filmi içün Qırımda yüz bergen adiseler aqqında malümatnı toplay.
Bunı televizion ve radioyayınlav boyunca Devlet komitetiniñ press-hızmetinde bildireler.
Berilgen malümatqa köre, Jitomir vileyatiniñ devlet teleradiokompaniyasınıñ kollektivi Qırımdan çıqarılğan ukrain arbiylerge dekstek köstergen aktsiyalarda iştirak ete.
Telekanalınıñ çıqaruv gruppası ukrain arbiylerine yardım kösterecek eyyet terkibinde Hersonğa yol aldı.
«Vilâyet televizionnıñ operatorı hayriye yükniñ berilüvini ve memleketniñ cenübiy sıñırlarını qorçalağan arbiy qısımlarınıñ künlik yaşayışını videoğa çıqardı. Bunıñnen beraber, o, telekanalnıñ haber hızmeti ile canlı telefon «post»nı qurdı», – qayd etile beyanatta.
Bundan da ğayrı, DTRKnıñ müdir muavini İvan Graç Ukraina cenübinde hızmet etken askerlerge endi diger eyyet terkibinde kelecek ola.
O, arbiy hızmetçilerine cesürlik ve antqa sadıq qalğanları içün minnetdarlıqnı bildirmek maqsadınen videomuracaatnı yollamağa niyet ete.
Çıqarılğan malümat «Jitomir» telekanalınıñ Qırımda yüz bergen adise-vaqialar aqqında çıqaralacaq film negizinde turacaqtır.
