Öz-özüni tayinlegen Qırım Cumhuriyet Devlet şurasınıñ bugünki toplaşuvında bir sıra ihtisaslı deñişüvler aqqında qarar alındı.
Bunı müessiseniñ press-hızmetinde bildireler.
Press-hızmetinde olğan malümatqa köre, spiker muavini Sergiy Tsekov da işten boşatıldı. Onı Rusiye Federal toplaşuvınıñ Federatsiya Şurası azasınıñ yerine nail kördiler.
Bundan da ğayrı, Qırım Cumhuriyet Devlet şurasınıñ reis muavini vazifelerini Konstantın Baharevge berdiler. Devlet şurasınıñ işi, cemaatçılıqnen alâqalar boyunca, uquqlarnıñ işlep çıqaruvı boyunca daimiy komissiya reisi vazifesine Yefim Fiksni tayinlediler.
Bundan da ğayrı, Şeer şurasınıñ deputatları Qırım Cümheriyetiniñ içtimaiy siyaset naziri – Olena Romanovskaya, naqliye naziri vazifesine Yuriy Şevçenkonı lâyıq kördiler.
Qırım gümrük yolbaşçısı Oleksandr Közintsev oldı.
«Mütenasip deñişüvler Qırım Cumhuriyet ve QC nazirler Şurasınıñ prezidium terkibinde de yüz berdi, bunıñnen bir sırada, Qırım parlament komissiya yañı terkibi de tasdıqlanıldı», – dep aytıla beyanatta.
Qayd etmege kerek ki, bugünki deñişüvler qırım akimiyetine riyayetkâr olmağan kütleviy haberler vastalarınıñ temsilcilersiz ilân etildi. Olarnı Qırım Cumhuriyet Devlet şurasınıñ binasına kirsetmediler. Böyle areketlerniñ aqlaması – jurnalistlerniñ akkreditatsiyaları müessiseniñ yañı serlevasına kelişmegeni oldı.
Qırım parlamenti qanunsız olğanını hatırlatamız. Onı Ukrain Yuqarı Şurası taa martnıñ ortasında dağıttı.
