Ukraina Yuqarı Şurasınıñ toplaşuvında halq deputatı Volodımır Aryevniñ Ayvazovskiy resimleri Ermitajğa yollanılğanı aqqında berilgen malümatı aqiqatqa yuymay.
Bunı tanılmağan Qırım Cumhuriyet Şeer Şurasınıñ press-merkezinde bildireler.
Aqyardaki Ayvazovskiyniñ Resimler Galereyası müzeyiniñ müdiresi Tatyana Gayduknıñ aytqanını köre, müzey eksponatlarınıñ tek yollanuvı degil de, avuştıruvı bile planlaştırılmay. Resimleriniñ episi öz yerlerindedir. Qırım parlamentiniñ press-hızmetinde bildireler ki, İvan Ayvazovskiyniñ öz tuvğan Aqyar şeerine bağışlağan kollektsiyası iç bir yerge alıp çıqarılmaycaq eken.
Bugün Ukraina Yuqarı Şurasınıñ toplaşuvında «Batkivşçina» firqasınıñ halq deputatı Volodımır Aryev Qırım müzeylerinden sanat eserlerinıñ çıqarulıvı aqqında malümatnı seslendirdi. «Bilgenime köre, al-zırda Qırım müzeylerindeki Ayvazovskiy resimleri ve diger qıymetli şeyler Qırımdan alıp çıqarıla. Olar şidmi Ermitaj ve Rusiyeniñ başqa müzeylerine yollanıla».
