Link açıqlığı

Qırımlılar Rusiye pasportını elde etip, «şengenni» alıp olamaycaqlar


Kazakhstan – Schengen visa. Illustrative photo. Almaty, undated
Rusiye pasportlarınen qırımlılar şengen vizasını Ukrainadaki Avropa Birligi memleketleriniñ elçihanelerinde alacaqlar.

Bunı Rusiyedeki Avropa Birligi temsilciliginde bildirdiler, dep yaza «Segodnâ».

«Avropa Birligi Rusiyeniñ Qırım işğalini tanımay, bundan sebep Avropa Birliginiñ memleket-azaları olğan qaidelerge boysunmağa devam etecekler. Şunıñ içün Qırımda yaşağan er bir adam Rusiye vatandaşlığını qabul etse, şengen vizasını almaq içün Ukrainada Avropa Birligi memleketleriniñ elçihanelerine muracaat etmek kerek», – dep bildireler Avropa Birliginiñ temsilciliginde.

Tışqı işler nazirligi elçiler departamentindeki Mustaqil devletler birligi memleketleriniñ bölük yolbaşçısı Dmitriy Baranov bildirdi ki, Avropa Birliginiñ mevamı aqlar ceetten çatışmağa yol berdi.

«Qırım Cumhuriyeti Rusiye Federatsiyası terkibine qabul etilgen soñ ve Rusiye Federatsiyasında yañı subyektler peyda olğan soñ bugünki künde Qırım Cumhuriyeti ya da Aqyarda daimiy süretti yaşağan adamlar Rusiye Federatsiyasınıñ vatandaşları ola. Lâkin cevapqa köre, Avropa Birligi olarnı Rusiye vatandaşları olaraq tanımay», – dep añlattı Baranov.

Onıñ aytqanına köre, al-azırda tışqı işler nazirligi Avropa Birliginden resmiy malümat bekley. Olar mevamınıñ aqlar tarafını aydınlatacaqlar.

Qırımnıñ turistik agentlikleri qayd eteler ki, Ukraina pasportını Rusiye pasportına deñiştirgen turistler olarda daa olmadı.

Martnıñ 16-da yarımadada Qırımnıñ Rusiyege qoşulması aqqında qanunsız referendum olıp keçti. Martnıñ 18-de öz başına ilân etilgen Qırım devletiniñ vekilleri Rusiye Federatsiyası terkibine kirüv aqqında añlaşmanı imzaladılar.
XS
SM
MD
LG